टेक गॉंड- स्टीव्ह जॉब्स

    गेल्या वर्षी कालवश झालेले स्टीव्ह जॉब्ज यांच्या अॅपलने जगभरात क्रांती घडवली. आज बरयाच टेक-वेड्या  लोकांकडे 
तुम्हाला अॅपलचे उत्पादने पहायला मिळतील. स्टीव्ह आज आपल्यात नसले तरी त्यांची उत्पादने आजहि जगभरात राज्य करत आहे. लोक ३-३ दिवस रांगेत उभे राहतात त्यांना आवडणारे अॅपल उत्पादन घेण्यासाठी आजहि आणि कालहि. स्टीव्ह जॉब्स यांचा जन्म २४, फेब्रुवारी १९५५ रोजी  सान फ्रान्सिस्को, कॅलिफोर्निया, अमेरिका  येथे झाला . गेल्या वर्षीच ५, ऑक्टोबर २०११ रोजी त्यांचे निधन झाले. त्यांच्या निधनाने संपूर्ण जगावर शोककळा पसरली.

          स्टीव्ह  एक अमेरिकन व्यवसायिक होते आणि ते  अॅपल ह्या अमेरिकन कंपनीचे सहसंस्थापक व मुख्याधिकारी होते. स्टीव्ह हे पूर्वी पिक्सार अॅनिमेशन स्टुडिओज‎चा मुख्य व्यवस्थापक होते त्यानंतर  ते  वॉल्ट डिस्ने कंपनीचे संचालक सदस्य होते . इ.स. १९७० मध्ये जॉब्स यांनी स्टीव्ह वॉझनियाक, माइक मारक्कुला आणि इतर (ऍपल कंपनीचे सर्व सदस्य) यांच्या समवेत व्यक्तिगत संगणक तयार केला.नंतर ऍपल-२ या मलिकेअंतर्गत मॅकिंटॉश नावाची प्रचालन यंत्रणा तयार केली. इ.स. १९८५ मध्ये कंपनीच्या सदस्यांसमावेत झालेल्या वादामुळे त्यांनी  राजीनामा दिला आणि नेक्स्ट या नावाने व्यवहारात आणि उच्च शिक्षणात उपयोगी होईल अशी संगणकीय यंत्रणा (संगणकाचा वापर) किंवा प्रणाली तयार करणारी कंपनी स्थापन केली. इ.स. १९९७ साली 'नेक्स्ट'चे 'ऍपल'मध्ये विलीनीकरण झाले, त्यांना पुन्हा 'ऍपल'मध्ये म्हणून स्थान मिळाले. यावेळी त्याच्यावर मुख्य कार्यकारी अधिकारी पदाची जबाबदारी सोपवण्यात आली. 

           जॉब्स यांना व्यवहारिक जगाच्या इतिहासात एक सणकी, कलंदर, सिलिकॉन व्हॅलीचे ठेकेदार म्हणून ओळखले जाते. त्यांना  सौंदर्यपूर्ण वस्तू बनवण्याची व वापरण्याची आवड असून याच कामासाठी त्यांनी स्वताला वाहून घेतले आहे. त्यांनी  प्रकृति अस्वास्थ्य व अन्य वैयक्तिक कारणांसाठी २९ जून, इ.स. २००९ रोजी मुख्य कार्यकारी अधिकारीपदाचा राजीनामा दिला. आयफोन, 'आयपॉड', 'आयपॅड' हे लोकप्रिय, बहूपयोगी उत्पादने त्याच्यामुळेच बाजारात आलीत आणि लोकांच्या मनात राज्य करू लागलीत. स्टीव्ह जॉब्ज हे आज जरी आपल्यात नसले तरी टेक विश्वात ते नेहमी अजरामर राहतील अशा टेक गुरूला मानाचा मुजरा.